Қазақстан Республикасының Премьер-Министрі

Қосымшаны Android-қа жүктеп алу

ҚР Премьер-Министрі А. Маминнің Шымкент қ. мен Түркістан облысына жұмыс сапарының қорытындысы бойынша видеодайджест

20 мамыр 2019, 10:00
Фото, бейне: primeminister.kz

Биыл 18 мамырда ҚР Үкіметінің басшысы жұмыс сапары аясында мегаполистің әлеуметтік-экономикалық дамуымен танысып, Түркістан қаласының құрылысы барысын тексерді.

  • Шымкентте Асқар Мамин «Тұран» шағын ауданында жол инфрақұрылымын салу мысалында шеткері аймақтардың дамуын тексерді. Ұзындығы 3,3 шақырым болатын магистральдық көше жыл соңына дейін пайдалануға беріледі. 

  • «Бозарық 220/110/10 кВ» шағын станциясының құрылысы орнында ҚР Премьер-Министрі жобаның уақытылы аяқталу мәселесіне ерекше көңіл бөлді. Нысан биыл қараша айында пайдалануға беріледі. Соның нәтижесінде, шамамен 250 мың адам тұратын 10 жаңа тұрғын үй алабы үздіксіз электр қуатымен қамтамасыз етіледі.

  • «Тассай» индустриялық аймағының аумағында Премьер-Министр А. Мамин «Asia Trafo» ЖШС жаңа зауытының трансформатор шығару бойынша технологиялық процесімен және электротехникалық зертханасының жұмысымен танысты.

  • ҚР Үкіметінің басшысы Түркістан облысының орталығына келген бойда «TurkistanInternationalAirport» халықаралық әуежайының құрылысының орнына капсула салу рәсіміне қатысты.

  • Жұмыс сапарының маңызды шарасы ретінде өңірде Қазақстан – Қытай индустриялық паркін, күн және жел электр станциясын, жылыжай кешендерін салу бойынша инвестициялық жобаларды іске асыру жөнінде $750,2 млрд сомасына 5 құжатқа қол қойылды.

  • Жұмыс сапары аясында әлеуметтік нысандарды, әкімшілік маңыздағы ғимараттарды салу, тарихи-мәдени орталықты реконструкциялау және абаттандыру барысы қаралды. 

  • Жаңадан салынып жатқан ғимараттарды электр энергиясымен үздіксіз қамтамасыз ету мақсатында Түркістан қаласында «Яссы» шағын станциясы салынатын болады. А. Мамин 2020 жылдың бірінші жартысында пайдалануға беру көзделіп отырған нысан құрылысының жобасын қарады.

  • Қаланың жолдарының сапасын жақсарту мен көшелерін көріктендіру мәселесіне ерекше көңіл бөлінді. 


Қазақстан Премьер-Министрі мен Үкіметі жаңалықтарынан хабардар болыңыз — ресми Telegram-арнаға жазылыңыз